Maqtaral turǵyny esirtki ósiremin dep isti boldy

TÚRKІSTAN. QazAqparat - Maqtaral aýdandyq polıtsııa bólimine shuǵyl aqparat kelip túsken. Onda jergilikti turǵynnyń biri aýlasynda «esirtki sorasyn (marıhýana) ósirip, baptaýmen aınalysatyndyǵy aıtylǵan, dep habarlaıdy QazAqparat oblystyq PD baspasóz qyzmetine silteme jasap.

Aqparattyń anyq-qanyǵyn tekserý maqsatynda, aýdandyq polıtsııa bólimi qyzmetkerleri jedel-izdestirý sharalaryna kiristi.

Maqtaaral APB-niń tájirıbeli tártip saqshylarynyń jedel is-sharalar júrgizý barysynda jergilikti turǵynnyń úıi anyqtaldy. Kúdiktiniń turǵyn úı aýlasyn qarap, tintý barysynda úı aldyndaǵy saraıdyń artynda, ósip turǵan 2 túp esirtki zatyna uqsas jasyl tústi ósimdigi men keptirilgen túrleri, qoldanǵan quraldary tárkilenip alyndy.

Kúdiktige eshqaıda ketpeý týraly qolhat túrindegi bultartpaý sharasy qoldanyldy. Qazirgi tańda, atalǵan esirtki zatyn qandaı maqsatta ósirgendigi anyqtalyp, tergeý amaldary júrgizilýde.