«Maqtaral» óz alańynda «Jetisýdan» jeńilip qaldy
ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 7-týrynda «Jetisý» jeńiske jetti, dep habarlaıdy QazAqparat tilshisi.
Alǵashqy oıyn kúnindegi ekinshi kezdesýde «Maqtaral» (Túrkistan oblysy) men «Jetisý» (Taldyqorǵan) sheberlik baıqasty.
Komandalar bıylǵy birinshilikti sátsiz bastady. Saldarynan ekeýi de týrnır kestesinde tómengi oryndarda kele jatqan edi.
Búgingi kezdesýde taldyqorǵandyq komanda jınaqy qımyl kórsetti. Nátıjesinde Ratı Ardazıshvılı 9, Ravıl Atyhanov 22-mınýtta mergendik tanytty.
Al 95-mınýtta «Maqtaral» oıynshysy Ramazan Kárimov penaltıden esep aıyrmasyn qysqartty.
Osylaısha «Maqtaral» qarsylasyna 1:2 esebimen ese jiberdi.
Endi segizinshi týrda «Maqtaral» 6 mamyrda syrt alańda elordalyq «Astanamen» kezdesse, «Jetisý» 7 mamyrda óz alańynda kókshetaýlyq «Oqjetpespen» sheberlik baıqasady.
Eske salsaq, budan buryn «Qyzyljar» el birinshiliginde alǵash ret upaı joǵaltty.
Al 23 sáýirde «Oqjetpes» (Kókshetaý) pen «Shahter» (Qaraǵandy), «Atyraý» men «Aqsý» (Pavlodar oblysy), «Tobyl» (Qostanaı) men «Aqtóbe», «Qaırat» (Almaty) pen «Ordabasy» (Shymkent). «Qaısar» (Qyzylorda) men «Astana» komandalary kezdesedi.
