Maqtaral men Jetisaı halqy «Dostyq» arnasynan byltyrǵy kólemde sý alady - Brekeshev
«Elimizdiń negizgi ózen basseınderi sý azdyǵy tsıkline bıyl da tap bolyp otyr. Osyǵan qaramastan, fermerler kóktemgi egis jumystary barysynda qajetti sýarmaly ylǵalmen qamtamasyz etiletin bolady. Bul ótken jylǵy qarashadan bastap Úkimettiń ákimdiktermen birlesip qabyldap jatqan naqty sharalarynyń nátıjesi.
Atap aıtsaq, Almaty jáne Jambyl oblystarynyń sharýalary bıylǵy jospar boıynsha byltyr ıgilikterine jaratqan sýarmaly sý kóleminen kem qamtamasyz etilmeıdi», - dedi mınıstr.
Aıtýynsha, Túrkistan jáne Qyzylorda oblystarynyń fermerlerin sýarmaly sýmen qamtamasyz etý máselesi birshama alańdatqan eken. Oǵan basty sebep – qyrǵyz tarapyndaǵy Toqtoǵul sý qoımasynda jınalǵan sý kóleminiń byltyrmen salystyrǵanda az bolýy.
«Kórshi eldermen birge qabyldanyp jatqan sharalardyń nátıjesinde bul jaǵdaı birtindep qalpyna kelip jatyr. Máselen, Toqtoǵul qoımasynda bıyl 1-shi qańtardaǵy sý kólemi byltyrǵy dálme-dál kezeńmen salystyrǵanda 2,1 mlrd tekshe metrge az boldy. Al byltyrǵy jáne bıylǵy 15 naýryzda tirkelgen sý kóleminiń aıyrmashylyǵy - 1,1 mlrd tekshe metrge teń boldy. ıAǵnı ýaqytyly qabyldanǵan sharalardyń nátıjesinde 1 mlrd tekshe metrge ulǵaıtyldy.
Sonymen qatar, vegetatsııa kezeńinde qosymsha sý kólemin alý boıynsha Qyrǵyzstanmen kelisimge qol jetkizildi.
Osynyń nátıjesinde «Dostyq» memleketaralyq arnasy boıynsha Túrkistan oblysy Maqtaral jáne Jetisaı aýdandarynyń fermerleri byltyrǵy deńgeıde sýarmaly sýmen qamtamasyz etiledi», - dedi Serikqalı Brekeshev.
