«Maqtaral» qatarynan úsh márte jeńiske jetti

Búgin fýtboldan premer-lıga komandalary arasyndaǵy el birinshiliginiń 22-týrynyń alǵashqy oıyn kúni aıaqtaldy., dep habarlaıdy QazAqparat tilshisi.

Atalǵan týrdaǵy alǵashqy oıyn Pavlodarda jergilikti «Aqsý» men Kókshetaýdyń «Oqjetpes» komandalary arasynda ótti.

Eki komanda da týrnır kestesinde tómengi oryndarda keledi. Olardyń árbirine jeńis aýadaı qajet bolatyn. Dese oıyn barysynda kókshetaýlyq klýb jınaqy oıyn kórsetti. Nátıjesinde qarsylasynan 1:0 esebimen basym tústi.

Taǵy bir oıynda Aqtaýdyń «Kaspııi» óz alańynda Túrkistan oblysynyń «Maqtaralyn» qabyldady. Bul ujymdar da tómengi oryndardy mise tutyp kele jatyr. Dese de túrkistandyq komanda sońǵy tórt kezdesýdiń ekeýinde jeńiske jetip, ekeýinde teń tústi.

Al «Kaspıı» súreńsiz oıynymen upaı qoryn molaıta almaı keledi.

Kezdesý barysynda Jan-Alı Paırýz 45-mınýtta óz komandasyn alǵa shyǵarsa, Saǵadat Tursynbaı 85-mınýtta esepti ústemeleı tústi.

Osylaısha «Maqtaral» qarsylasyn 2:0 esebimen tize búktirdi. Qatarynan úsh márte jeńiske jetken komanda týrnır kestesindegi jaǵdaıyn jaqsarta tústi.

Endi 16 qyrkúıekte «Atyraý» men «Qyzyljar», «Astana» men «Tobyl», «Aqtóbe» men «Ordabasy», 17 qyrkúıekte «Jetisý» men «Qaırat», «Shahter» men «Qaısar» komandalary kezdesedi.