Maqtaral aýdanynyń eki aýylynda mektep ǵımarattary paıdalanýǵa berildi
ShYMKENT. QazAqparat - Ońtústik Qazaqstan oblysy Maqtaral aýdanyna qarasty A.Qalybekov aýyldyq okrýgine qarasty B.Soqpaqpaev mektebiniń 150 oryndyq, Qyzylqum aýyldyq okrýgine qarasty «Qyzylqum» mektebiniń bastaýysh synypqa arnalǵan 100 oryndyq jańa ǵımarattary paıdalanýǵa berildi, dep habarlaıdy aýdan ákimdiginiń baspasóz qyzmeti.
Búgin aýdany ákimi Ǵalym Ismaılov mektep ǵımarattarynyń ashylý saltanatyna qatysyp, oqý synyptarynyń sapasyn tekserip qaıtty. Mýltımedııalyq kabınetterdi, zerthanalar, mamandandyrylǵan oqý synyptaryn, sheberhanalar men kitaphanalardy, ádistemelik, dárigerlik, psıhologııalyq kabınetterdi aralap shyqqan ákim mekteptiń qurylys sapasyna «jaqsy» degen baǵasyn berdi. Óz sózinde ákim munyń barlyǵy da Táýelsizdiktiń jemisi ekendigin atap ótti. Aıta keteıik, elimiz Táýelsizdik alǵaly beri Maqtaral aýdanynda 57 mektep pen oqý ǵımarattary ashylsa, bıyldyń ózinde 9 orta mektep ǵımaraty men 1 qosymsha oqý korpýsy el ıgiligine berildi. Maqtaral aýdany halqy tyǵyz ornalasqan, tabıǵı ósimi joǵary aýdan. Bir kezderi eki jáne úsh aýysymmen oqytqan mektepter men saman kirpishten salynǵan apatty jaǵdaıdaǵy mektepter tolyǵymen joıyldy dese de bolady. Sondaı-aq, biúgingi jańadan salynǵan mektepter zaman talabyna saı jabdyqtalyp keledi.
