«Maqtanshaq qyz Bıbigúldiń» sýreti bas júldeni aldy

«Meniń súıikti mýltfılmim» atty respýblıkalyq shyǵarmashylyq baıqaýdy Sh.Aımanov atyndaǵy «Qazaqfılm» kınostýdııasy jáne «Jas órken» seriktestigine kiretin «Ulan», «Drýjnye rebıata» gazetteri men «Baldyrǵan», «Aq jelken» jýrnaldary birlese ótkizdi.
 

Birneshe aıǵa sozylǵan baıqaýǵa Qazaqstannyń túkpir-túkpirinen mektep qabyrǵasyndaǵy oqýshylar qatysty. Baıqaý erejesine sáıkes usynylǵan sýretter qazaq anımatsııalyq fılmderine, qazaq ertegileri, ańyz-áńgimelerine negizdelip salynýy tıis bolatyn.

Qazylar alqasynyń sheshimimen baıqaýdyń Bas júldesi - «Maqtanshaq qyz» mýltfılminiń jelisi boıynsha sýret salǵan Óskemen qalasy, №24 orta mekteptiń 4G synyp oqýshysy Bolatov Saıdqa buıyrdy.

«Meniń súıikti mýltfılmim» nomınatsııasynda birinshi oryn - «Ottan jaralǵandar» mýltfılminiń jelisi boıynsha sýret salǵan Almaty qalasy, №12 mamandandyrylǵan gımnazııanyń 1V synyp oqýshysy Nurǵalı Lılıge berildi.

Al «Meniń qııalymdaǵy keıipker» atalymynda kún astyndaǵy Kúnikeı qyz, Aldar kóse jáne Shoıynqulaqtyń beınelerin salǵany úshin Almaty qalasy, №177 orta mekteptiń oqýshysy Baızaq Aısha birinshi oryn ıegeri atandy.

«Bundaı baıqaýlardy kóptep ótkizý kerek, óıtkeni sýret salý balalardyń oı órisin keńeıtedi. Balalardyń shyǵarmashyqqa beıim bolýyna jaǵdaı jasaý kerek. Osyndaı baıqaýlar qazaq balalarynyń qazaq mýltfılmderin kórýge qyzyǵýshylyǵyn arttyrady. Balanyń bári tuyp turǵan talant. Olardy árdaıym sýret salýǵa yntalandyryp otyrý kerek, - dedi Sh.Aımanov atyndaǵy «Qazaqfılm» kınostýdııasynyń «Anımatsııalyq kıno» birlestiginiń jetekshisi Jáken Dánenov.
 
 

«Qazaq anımatsııasynyń elý jyldyǵyn atap ótý óte mańyzdy shara. Osy oraıda, biz balalar men jasóspirimder basylymynda mýltfılmder qalaı túsiriletini týraly túrli suqbattar men maqalalar jarııaladyq. Qazir mýltfılm túsirýdiń múmkinshiligi kóbeıdi. Suranys ta kóp. Biraq básekelestik jaǵynan kelgende, usynys odan da asyp túsedi deýge bolady. Ásirese, bizdiń balalarymyz boıaýy qanyq, túsirilgen oqıǵalary shıraq, jańa tehnologııamen túsirilgen sheteldiń kóp mýltfılmderine kóp qyzyǵa bastady. Tipti bizdiń mýltfılmderimiz umyt qala jazdaǵan da jaǵdaılar boldy. Biraq, sońǵy jyldary ásirese, tarıhı taqyryptarǵa biraz mýltfılmder túsirildi. Onyń nasıhaty da jasaldy. Sonyń arqasynda qazaq mýltfılmi qaıtadan óziniń ornyna kele bastady», - dedi «Jas órken» JShS bas dırektory Júsipbek Qorǵasbek.
 

Sonymen qatar, qazylar alqasy baıqaýǵa qatysqan úsh sýret avtoryn yntalandyrý júldelerimen marapattaýdy jón dep tapty.

Jeńimpazdarǵa qazaq anımatsııasynyń úzdik týyndylary jazylǵan DVD dıskiler, «Ulan» gazetiniń bir jyldyq jazylymy, planshetter jáne estelik syılyqtar berildi.

Marapattaý sońynda qazylar alqasy baıqaýǵa qatysqan barlyq qatysýshylarǵa jáne sýret ónerine baýlyp júrgen ata-analaryna alǵys aıtty.