Maqtaaraldyń sý basqan eldi mekenderinen 31 myń adam evakýatsııalandy
MAQTAARAL. QazAqparat – Maqtaaral aýdanynyń sý basqan eldi mekenderinen 2 mamyrdan bastap 31606 adam evakýatsııalandy. Bul týraly QazAqparat ákimdikke silteme jasap habarlaıdy.
Maqtaaral aýdanynyń sý basqan eldi mekenderinen 2 mamyrdan bastap 31606 adam evakýatsııalanǵan. 4 mamyr kúngi aqparat boıynsha Jańa-Turmys (46 úı), Jeńis (130 úı), Fırdoýsı (250 úı), Órgebas (194 úı), Dostyq (11 úı) eldi mekenderinen jalpy sany 631 úı sý astynda qaldy.
2 mamyrdan Atakent eldi mekeninde 24 evakýatsııalyq bólim qurylyp, jumys júrgizýde.
Apattan qutqarý jumystaryna jalpy sany 986 adam, 4 qaıyq, 180 dana tehnıka tartylǵan.
Polıtsııa tarapynan Jańa-Turmys, Fırdoýsı, Órgebas, Nurlyjol, Iirjar eldi mekenderinde bir, T. Jaılybaev aýylynda eki blok-beket qurylyp, onyń jalpy sany 7-ge jetti.
3115 iri qara mal, 1101 usaq mal, 585 jylqy, 34 túıe Keles aýdany, Qyzylásker aýylyna jetkizildi.
Budan bólek, 1797 iri qara mal, 6029 usaq mal, 689 jylqy, 381 túıe, 165 shoshqa Maqtaral aýdanyndaǵy sý basý qaýpi joq jerge jetkizildi.
Esterińizge sala keteıik, 1 mamyrda Sardoba sý qoımasy bógetin sý shaıyp ketýine baılanysty Ózbekstannyń Syrdarııa oblysyndaǵy eldimekendi sý basty.Sonyń saldarynan Maqtaaral aýdanynda shekara mańyndaǵy birneshe kollektor sýǵa tolyp qalǵan. Maqtaaraldaǵy ortalyq kollektordan sý syrtqa jaıylyp, Jeńis, Jańa turmys aýyldaryn sý alyp ketti.
Sondaı-aq, Túrkistan oblysyndaǵy eldi mekenderdi sý basý saldaryn joıý jónindegi Úkimettik komıssııa quryldy.
