Maqtaaraldyq kelinder referendýmǵa qatysýshylarǵa tosyn syı jasady

TÚRKІSTAN. QazAqparat – Maqtaaral aýdany Birlik aýyldyq okrýgine qarasty Alǵabas aýylynyń kelinderi referendýmǵa qatysýshylarǵa tosyn syı jasady, dep habarlaıdy QazAqparat tilshisi.

Ulttyq kıimmen referendým ýchaskesine kelgen kelinder ıilip sálem berip, dastarhan jaıdy. Ózderi pisirgen taǵamdar men ósirgen jemis-jıdekterdi qatysýshylarǵa taratty.

«Bizge mundaı is-sharany uıymdastyrýǵa úlken ájelerimiz muryndyq boldy. Qazaqtyń áıelderi qashan da memleket isine, eldiń taǵdyryna erlermen ıyq tirese otyryp aralasqan. Búgingi saıası naýqan kezinde eldiń bolashaǵyna alańdaǵan áıel, kóp balaly ana retinde úıde beıjaı otyra almadyq», - deıdi olar.

Aıta keteıik, buǵan deıin dál osy aýylda bir top aq jaýlyqty áje referendým ýchaskesine ulttyq kıimmen kelip, shashý shashqan bolatyn.