Maqtaaraldyq dıqandar ónimderin eksportqa shyǵarýda – Túrkistan oblysy
TÚRKІSTAN. QazAqparat – Túrkistan oblysynyń Maqtaaral aýdanynda dıqandar ónimderin shetelge eksporttaýda, dep habarlaıdy QazAqparat.
«Maqtaaral aýdanynda 60926,3 gektar egistik jer bar. Bıyl 38185 gektar jerge maqta, 1827,6 gektarǵa erte egiletin kókónis, 54,2 gektarǵa kartop, 2003 gektarǵa jańa jońyshqa, 1689 gektarǵa eski jońyshqa, 3178 gektarǵa dándik júgeri, 500 gektarǵa súrlemdik júgeri, 1615 gektarǵa kúrish, 152 gektarǵa mash, 47,4 gektarǵa bıdaı, 11502 gektarǵa baqsha, 90,2 gektarǵa jemis-jıdek egildi», - dedi oblys ákimdiginiń baspasóz qyzmetine.
Búgingi tańda maqtaly ólkede baqsha daqyldaryn jınaý naýqany qyza túsken. Qazirdiń ózinde 100 myń tonnaǵa jýyq baqsha ónimderi Qazaqstannyń barlyq aımaǵyna jetkizilip, Reseıge jáne Eýropanyń birneshe elderine eksporttalyp úlgerdi.
Málim etilgendeı, erte egilgen kókónistiń ishinde 501,1 gektarǵa qyryqqabat, 77 gektarǵa qyzylsha, 213 gektarǵa bolgar buryshy, 71,5 gektarǵa pııaz, 363,8 gektarǵa qyzanaq, 173 gektarǵa qııar, 210,2 gektarǵa baklajan, 218 gektarǵa sábiz egilip, qazirgi tańǵa deıin jalpy 26388,6 tonna ónim jınalǵan.
«Sol sekildi maqtaaraldyq dıqandar kartoptan 250,5 tonna, jońyshqadan 22652 tonna jáne aýdandaǵy jalpy jylyjaıdan 652,2 tonna ónim alǵan.
Aıta keteıik, Maqtaaral aýdanynyń dıqandary Respýblıkada eń birinshi bolyp jáne Ózbekstanǵa qaraǵanda 1 apta buryn baqsha ónimderin naryqqa shyǵarady», - dedi Túrkistan oblysynyń ákimdiginen.
