Maqtaaraldyq 250 oqýshyǵa oqý quraldary tartý etildi

MAQTAARAL. QazAqparat – Túrkistan oblysy Maqtaaral aýdanynda «Mektepke jol» aktsııasy aıasynda 250 oqýshyǵa oqý quraldary tartý etildi. Bas demeýshi bolǵan kompanııa ókilderi jetkinshekterge mektep sómkesi men kıim-keshek alyp berdi, dep habarlaıdy QazAqparat tilshisi.

Atalǵan qaıyrymdylyq sharasy az qamtylǵan jáne kópbalaly otbasy, jetim jáne ata-ana qamqorlyǵynsyz qalǵan balalarǵa jańa oqý jylyna daıyndyq kezeńinde kómek kórsetý maqsatynda uıymdastyryldy.

Jıyn barysynda aýdan ákimi Baqyt Asanov oqýshylardy jańa oqý jylymen quttyqtap, olarǵa oqý quraldary salynǵan mektep sómekelerin tabystady.

«Elimizdegi árbir bala baqytty bolýǵa laıyq. Qatarynan qaldyrmaı, bolashaǵy úshin bilim alýyna jaǵdaı jasaý - aktsııanyń negizgi maqsaty. Sondyqtan, aýdanymyzdyń barsha qaıyrymdy turǵyndaryn «Mektepke jol» aktsııasy aıasynda áleýmettik jaǵynan az qamtylǵan jáne kópbalaly otbasy balalaryna jumyla kómek berýge shaqyramyn» - dedi Baqyt Asanov.

Munan soń «Helios» kompanııasynyń dırektory Maqpal Aqbaeva mundaı qaıyrymdylyq sharalary ózi basqaratyn mekeme tarapynan jyl saıyn uıymdastyrylatynyn atap ótti.

Jalpy «Mektepke jol» aktsııasy aýdannyń barlyq kentteri men eldi mekenderinde, bilim mekemelerinde ótkizilýde. Qazirgi tańda atalǵan shara aıasynda 3 myńnan asa oqýshyǵa túrli kómek kórsetildi.

Aıta keteıik, Maqtaaral aýdany boıynsha 2019-2020 oqý jylynda 1-11 synyp aralyǵynda 27374 oqýshy bilim alady dep josparlanǵan. Jańa oqý jylyn bastaýǵa bilim uıalary tolyq daıyn.