Maqtaaraldaǵy tasqynnan zardap shekken eldi mekender sýdan tolyq tazardy – Sáken Qalqamanov
MAQTAARAL. QazAqparat – Maqtaaral aýdanyndaǵy topan sýdan zardap shekken eldi mekender tolyqtaı sýdan tazartyldy. Bul týraly Túrkistan oblysy ákiminiń orynbasary Sáken Qalqamanov Facebook paraqshasynda jarııa etti, dep habarlaıdy QazAqparat tilshisi.
«Sizderge jaǵymdy jańalyqty jetkizgim keledi. Maqtaaral aýdanyndaǵy sý basqan eldi mekenderdiń barlyǵy sýdan tazartyldy. Onda ákimdik, Qazsýshar, TJK, áskerıler men Ózbekstan Respýblıkasy tótenshe jaǵdaı qyzmetkerleriniń jumylyp jumys isteýiniń arqasynda az ýaqyt ishinde Sardoba sýyn aryq-atyzdar men kollektorlarǵa buryp, turǵyndardyń qalypty ómirge oralýyna jaǵdaı jasaldy» dep jazady Sáken Qalqamanov.
Aıta keteıik, Ózbekstandaǵy «Sardoba» sý qoımasy jarylyp, ondaǵy sý Maqtaaral aýdanynyń bes eldimekenin shaıyp ketken bolatyn.
