Maqtaaralda jeke kásipker az qamtylǵan otbasylarǵa 700 qap un jetkizip berdi

None
None
MAQTAARAL. QazAqparat – Túrkistan oblysy, Maqtaaral aýdanynda kásipkerleri belsendilik tanytyp, az qamtamasyz etilgen jáne kópbalaly otbasylarǵa túrli kómekter kórsetýdi jalǵastyrýda. Atakent kentinde turatyn jeke kásipker Nurjan Toqjigitov 700 qap undy muqtaj jandarǵa tegin taratý úshin aýdandyq kásipkerlik bóliminiń qoımasyna jetkizip berdi, dep habarlaıdy QazAqparat tilshisi.

Aýdandyq ákimdiktiń málimetinshe, qazirgi ýaqytta undy taratý úshin kentter men aýyldyq okrýg ákimdikteri tarapynan muqtaj otbasylardyń tizimi jasaqtalýda. Jalpy salmaǵy 17,5 tonnany quraıtyn un aýdandaǵy 2 kent pen 9 aýyldyq okrýgtegi az qamtamasyz etilgen, kóp balaly otbasylarǵa beriletin bolady. Buǵan deıin aýdandyq kásipkerlik bólimi tarapynan baǵany turaqtandyrý maqsatynda birneshe ret túsindirý jumystary jasalyp, dúkenderde 8500 teńgeden satylǵan birinshi surypty «Pıoner» uny 7700 teńgege túsirilgen edi. Bul ıgi sharaǵa da metsenat-kásipker Nurjan Ermahanuly yqpal etip, jerlesteri úshin úlken kómegin tıgizdi.

«Elimizde tótenshe jaǵdaı týyndaǵan qıyn-qystaý kezeńde jerlesteri úshin 700 qap undy tegin bere salý kóp jomart jandardyń qolynan kele bermeıtin úlken is. Jeke kásipker Nurjan Toqjigitov qıyn keezeńde qarapaıym halyqqa qol ushyn sozyp, qoldaý kórsetti», - deıdi aýdandyq kásipkerlik bóliminiń basshysy Óser Myrzamdamov.

Aıta keteıik, óńirde tótenshe jaǵdaı rejımi engizilgennen beri aýdandyq kásipkerlik bólimi tarapynan arnaıy qoıma daıyndaldy. Onda unnan bólek, makaron, maı, qaraqumyq, qumsheker sııaqty eń qajetti azyq-túlikterdiń qory jınaqtalýda.


Сейчас читают
telegram