Maqtaaralda zardap shekkenderge psıhologııalyq kómek kórsetilýde
MAQTAARAL. QazAqparat – Maqtaaral aýdanynyń sý basqan eldi mekenderinen 5,7 mln m3 sý soryldy. Jalpy uzyndyǵy 22 shaqyrym bolatyn ýaqytsha bógetter salyndy, 86 000-nan astam qap tóseldi jáne sý tógýge 3 kollektor ornatyldy. Bul týraly QazAqparat TJK silteme jasap habarlaıdy.
Turǵyndardyń jeke múlikterin sýdan shyǵarý, úı janýarlaryn qutqarý jumystary jalǵasýda. Túrkistan oblysy TJD jáne Shymkent qalasy Tótenshe jaǵdaılar basqarmasy Apattar medıtsınasy ortalyǵynyń psıhologtary art-terapııa ádisterin qoldana otyryp, zardap shekkenderge psıhologııalyq kómek kórsetedi.
Qoǵamdyq tártipti qamtamasyz etý úshin Jańaturmys, Fırdoýsı, Órgebas, Jantaqsaı aýyldarynda 4 blokpost qoıyldy.
Quramynda 18 adam men 4 tehnıka bar Ózbekstan TJM kúshteri men quraldarynan turatyn top keldi.
Túrkistan, Jambyl, Qyzylorda oblystary, Shymkent qalasy TJD, Apattar medıtsına ortalyǵy, polıtsııa departamenti, Ulttyq gvardııa, Qorǵanys mınıstrligi, jergilikti atqarýshy organdar kúshteri men quraldary, jalpy alǵanda 1412 adam, 255 tehnıka, 17 júzý quraly, 130 motosorǵy táýlik boıy jumystaryn jalǵastyrýda.
Sondaı-aq, tótenshe jaǵdaıdyń saldaryn joıýǵa 223 adamnan, 42 tehnıka men 85 motosorǵydnan turatyn Ózbekstan Tótenshe jaǵdaılar mınıstrliginiń qutqarýshylary tartyldy.
