Maqtaaralda zardap shekkenderge 120 tonnadan astam azyq-túlik taratyldy
MAQTAARAL. QazAqparat – Sý tasqyny bolǵan Maqtaaral aýdanyndaǵy ortalyq qoımada 608 tonna azyq-túlik jınalǵan. Búginde tótenshe jaǵdaı qalyptasqan aımaqtaǵy turǵyndarǵa 126 tonnadan astam azyq-túlik taratylǵan, dep habarlaıdy QazAqparat tilshisi.
Oblys ákimdiginiń málimetinshe, atalǵan qoımaǵa kúndelikti Qazaqstannyń ár óńirinen gýmanıtarlyq kómekter kelýde. Qazirgi tańda qoımada 200 tonnaǵa jýyq un, 22 tonna et, 70 tonnadaı kókónis, sondaı-aq, kórpe-tósek pen kıim-keshekter bar. Budan bólek, jańadan qurylysy júretin turǵyn úılerge qajetti qurylys materıaldary da jınaqtalǵan. Atap aıtqanda, qoımaǵa 20 myń dana kirpish, 100 tonna tsement, 700 danadan astam aǵash, 108 qorap gıpsokarton jáne qurylys untaqtary jetkizilgen. Atalǵan materıaldar Myrzakenttegi boı kóterip jatqan jańa móltekaýdannyń qurylysyna jumsalmaq. Aıta keteıik, «Biz birgemiz» aktsııasy aıasynda Maqtaaralǵa Nur-Sultan men Almaty qalasy, Almaty jáne Jambyl oblysy, Atyraý, Aqtóbe, Mańǵystaý, Batys jáne Shyǵys Qazaqstan oblystarynan jáne Qazaqstan halyq Assambleıasy tarapynan kómekter kelgen. Sondaı-aq, elimizdegi jekelegen kásipkerler men azamattar da atasalysýda.
