Maqtaaralda zamanaýı úlgidegi kanaldyń qurylysy bastaldy
MAQTAARAL. QazAqparat – Túrkistan oblysy, Maqtaaral aýdanynda zamanaýı úlgidegi kanaldyń qurylysy bastaldy, dep habarlaıdy QazAqparat tilshisi.
Bıylǵy jyldyń sáýirinde bastalǵan qurylys 2021 jyly aıaqtalady dep josparlanǵan. Ázirge úsh aýyl okrýgin sýlandyrýǵa arnalǵan qurylystar birneshe baǵytta júrip jatyr.
Mamandardyń aıtýynsha qurylysqa qajetti tehnıkalar men adam kúshi jetkilikti. Buǵan deıin kanaldarda sýdyń ysyrap bolýyna jol berilse, endigi jerde ondaı keleńsizdikter oryn almaıdy. Óıtkeni, qazylyp jatqan bul kanaldardardyń tabany men jıekteri tolyqtaı betondalyp jatyr.
«Bul kanaldardyń jobasyn jasaǵan avstralııalyq «SMEK» kompanııasy. Atalǵan joba memlekettik saraptaýdan ótip, tapsyrys berýshiniń bekitýimen atqarylýda. Sonymen qatar barlyq jumystardyń tehnıkalyq baqylaýy da basty nazarǵa alynǵan»,- deıdi «SMEK» kompanııasynyń prezıdenti Ábdimútálip Qalmyrza.
«Eýrazııalyq bankten» bólingen bul halyqaralyq tenderdi jeńip alǵan ırandyq «Týnnel Sadd Arıana» kompanııasy qurylysqa qazaqstandyq 6 merdiger seriktestikterdi tartyp otyr. da tartylyp, jumys atqarýda.
Sondaı-aq, jumystarǵa Armenııa men Izraılden jáne Tájikstannan kelgen mamandardy tartyp otyr. Qurylys jumystary tolyq aıaqtalǵan soń óńirdegi úsh aýyl okrýgine qarasty 16 myń gektar jer tolyǵymen sýlandyrylady dep josparlanǵan.
