Maqtaaralda sý tasqynynan zardap shekken turǵyndarǵa ótemaqy tólene bastady
MAQTAARAL. QazAqparat – Topan sýdan zardap shekken maqtaaraldyq turǵyndarǵa ótemaqy tólene bastady. Bul týraly «Túrkistan» ÁKK» AQ baspasóz qyzmeti málimet taratty, dep habarlaıdy QazAqparat tilshisi.
Mamandardyń aıtýynsha, búginde atalǵan aımaqta «Túrkistan» ÁKK» AQ janyndaǵy «Túrkistan» áleýmettik damý korporatıvtik qory zaqymdalǵan úılerdi qalpyna keltirý úshin ótemaqy tóleý baǵdarlamasyn iske asyrýda.
Baǵdarlama ár otbasyna úsh iri transhpen 17 mln teńge kóleminde ótemaqy tóleýdi kózdeıdi.
«Búgingi kúni 19 otbasy 8,5 mln teńge kóleminde birinshi transh aldy (jalpy somanyń 50%). Qalǵan 25%-dan 2 transh turǵyn úı qurylysynyń barysynda tólenedi. Sonymen qatar, aýdan ákimdigi zaqymdalǵan turǵyn úılerdi esepteý jáne turǵyndarǵa ótemaqy alý úshin kerek qujattardy jınaý boıynsha kómek kórsetý jumystaryn jalǵastyrýda» delingen «Túrkistan» ÁKK» AQ habarlamasynda.
Sońǵy aqparatqa sáıkes, búlingen úılerdiń sany 200-den asady.
