Maqtaaralda sý basqan aımaqtardyń kólemi bir táýlikte 1,1 myń gektarǵa azaıdy
MAQTAARAL. QazAqparat - Maqtaaralda sý sorý jumystarynyń arqasynda ótken táýlik ishinde sý basqan aımaq 1100 ga azaıyp, 3100 ga qurady, dep habarlaıdy QazAqparat tótenshe jaǵdaılar komıtetine silteme jasap.
Sonymen qatar Nurlyjol, Fırdoýsı, Órgebas, Dostyq jáne Jeńis eldi mekenderinde sý basqan 1 030 úıden sý tolyqtaı soryp shyǵaryldy.
56 aýla jáne baý-baqsha ýchaskesi sý astynda qalyp otyr. Tótenshe jaǵdaı saldaryn joıý jumysy táýlik boıy júrip jatyr. Oǵan ІІM, QM, JAO jáne Ózbekstan TJM kúsh-quraldarynan barlyǵy 1475 adam, 219 tehnıka, 13 júzý quraly, 207 motopompa jumyldyrylǵan.
Búgingi kúni 6,2 mln tekshe metrden astam sý soryldy. Jalpy uzyndyǵy 22 shaqyrym ýaqytsha bóget salyndy. 87 myńnan astam qap tóseldi jáne sý burý úshin 3 kollektor ornatyldy.
