Maqtaaralda sý basqan aýylda qalyp qoıǵan turǵyn qutqaryldy
MAQTAARAL. QazAqparat - Maqtaaral aýdanyndaǵy sý jaıylǵan Órgebas aýylynda bir adam qutqaryldy, dep habarlaıdy QazAqparat óńirlik kommýnıkatsııalar qyzmetine silteme jasap.
Biz buǵan deıin Maqtaaraldyń Órgebas aýylyn sý basqanyn habarlaǵan bolatynbyz.
«194 úılik Órgebas aýyly búgin tańnan beri evakýatsııalanýda. TJD mamandary aýyl aralaý barysynda tizesinen jaraqattanyp, júre almaı qalǵan 1996 jyly týǵan Baqdáýlet Bımýrzaev atty turǵyndy qutqaryp, qaýipsiz jerge jetkizdi» delingen habarlamada.
Aýyl turǵynynyń ómirine qaýip tónip turǵan joq. Dárigerler densaýlyǵyn tekserip jatyr.
