Maqtaaralda sý astynda qalǵan úılerdi baǵalaý jumystary jalǵasýda
MAQTAARAL. QazAqparat – Maqtaaral aýdanynda topan sýdan zardap shekken úılerdiń qujattary jınaqtalyp, saraptama jumystary júrgizilýde. Bul týraly búgin Maqtaaral aýdany ákiminiń orynbasary Beısembaı Tórebekov málimdedi, dep habarlaıdy QazAqparat tilshisi.
Beısembaı Tórebekovtiń aıtýynsha, Fırdaýsı jáne Órgebas aýyldary turǵyndarynyń «Úkimet qarjy berse, ózimiz úı salyp alar edik» degen ótinishi talqylaný ústinde. Al, Alısher Ýsmanovtyń jeke qorynan bólingen 5 mln 200 myń AQSh dollary evakýatsııalanǵan aýyl turǵyndaryna beriletinin aıtty.
«Aýdanymyzda 5202 otbasy myń dollardan qarjylaı kómek alatyny belgili boldy. Onyń ishinde páter jaldap turyp jatqan jáne úreı qushaǵynda psıhologııalyq kúızeliske túsken azamattar da bar. ıAǵnı, bul kómek páterdiń ıesine emes, sol úıdi jalǵa alyp turyp jatqan turǵyndarǵa úlestiriletin bolady», - deıdi B.Tórebekov.
Brıfıng barysynda aýdan ákiminiń orynbasary topan sýdan zardap shekken úılerdi baǵalaý jumystary arnaıy qurylǵan komıssııa anyqtaıtynyn jetkizdi. ıAǵnı, olar qaı úıdi qaıta salý nemese kúrdeli jóndeý kerek ekenin naqtylaıtyn bolady. Sondaı-aq, ol bir aýlada 2-3 úı ornalasqan jaǵdaıda jer teliminiń qalaı bólingeni eskeriledi. ıAǵnı, turǵyndardyń árqaısysyna bólgende 8 sottyqtan teń bólinse jáne qujattary túgel bolsa ǵana Úkimetten qarjy bólinip, úı turǵyzylatyn bolady.
«Qazirgi tańda aýdanda topan sýdan zardap shekken aýyl azamattarynan úıdiń, maldyń, egistik alqaptarynyń qujattary jınaqtalýda. Osy maqsatta aýdan ákimdigi men evakýtsııalyq beketterde mamandardan quralǵan arnaıy jumysshy top qyzmet etýde. Budan bólek, aýdanda sý astynda qalǵan aýyldardaǵy áleýmettik nysandardyń, atap aıtqanda mektep, balabaqsha, mádenıet úıi, medıtsınalyq pýnkterdiń qazirgi ahýaly saralanýda»,- dedi aýdan ákiminiń orynbasary.
