Maqtaaralda salynyp jatqan jańa úılerdiń shatyry jabyla bastady
MAQTAARAL. QazAqparat - Sý basqan aýyldardyń jańa mekeninde 200-ge jýyq úıdiń irgetasy quıylyp, 80-iniń qabyrǵasy kóterildi. Eki úıdiń syrty sylanyp, shatyry jabylyp jatyr, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Túrkistan oblysynyń ákimi Ómirzaq Shókeev halyq qalaýlylary men Qoǵamdyq keńes múshelerimen birge Maqtaaral aýdany, Myrzakent mańynda boı kóterip jatqan jańa móltek aýdandaǵy qurylys jumystarymen tanysty.
Aıta keteıik, búginde munda 383 úı salynyp jatyr. Onyń 193-i úkimettik rezervtiń qarjysyna, 190-y qorlardyń esebinen salynýda. Sonyń ishindegi 20 úı «Nur Otan» partııasynyń «Biz birgemiz» qorynyń qoldaýymen salynady. Sonymen qatar, jańa aýdanda sý astynda qalǵan aýyldardyń múldem baspanasy joq 28 otbasy úshin úı salynady. Olar osy ýaqytqa deıin monsha, bala-baqsha men apatty jaǵdaıdaǵy jataqhanany panalap kelgen.
Qurylys jumystary eki kezeńde júrgizilýde. Úı salýǵa qajetti tehnıkalar men qurylys materıaldarynan tapshylyq joq.
Ómirzaq Shókeev sý basqan egistik alqaptardyń búgingi jaıyn tekserdi. Sońǵy málimetter boıynsha, sý jalpy aýdany 5, 8 myń gektar aýyl sharýashylyǵy alqabyna zaqym keltirgen. Onyń 85 paıyzy - maqta alqaby. Búginde 2,3 myń gektarǵa, ıaǵnı 40 paıyz alqapqa maqta egildi. Kalǵanyna
baqsha daqyldary, kúrish, júgeri ósiriledi. Múldem jaramsyz kúıge túsken egistik ıelerine ótemaqy tólenedi.
