Maqtaaralda polıtseıler kezekti kókpardyń ústinen tústi
MAQTAARAL. QazAqparat - Túrkistan oblysynyń polıtseıleri kezekti kókpardy anyqtady, dep habarlaıdy QazAqparat oblystyq polıtsııa departamentine silteme jasap.
Maqtaaral aýdany polıtsııa bóliminiń qyzmetkerleri karantın talaptarynyń saqtalýy boıynsha kúndelikti qarqyndy jumys atqarýda.
Osyndaı kezekti reıd barysynda, kúndizgi saǵat 13:30 shamasynda Maqtaaral aýdany Myrzakent kentine bekitilgen ýchaskelik polıtsııa ınspektorlary Maqtaaral aýdany boıynsha qurylǵan mobıldi toppen birge Birlik aýyl ákimshiligi Pernebaev aýylyna qarasty egistik alqapta 60-qa jýyq adamnyń basyn qosyp, kókpar uıymdastyryp jatqanyn anyqtady.
Tártip saqshylary kókparǵa jınalǵan qaýymdy tarqatty.
Sonymen qatar, mobıldi top belgilengen talapty saqtamaı, kókpar oıynyna kelgen turǵyndarǵa túsindirme jumysyn júrgizdi.
Budan bólek, adamdardyń kóptep jınalýyna jol bergen joǵaryda atalǵan kókpar oıynynyń uıymdastyrýshysyna QR ÁQBtK 425-baby boıynsha ákimshilik qujattar jınaqtaldy.
Jınaqtalǵan qujattar zańdy sheshim qabyldaý úshin SES-ke joldandy.
Óz kezeginde Maqtaaral aýdany polıtsııa bóliminiń jergilikti polıtsııa qyzmeti bólimshesiniń ýchaskelik polıtsııa ınspektorlary bas memlekettik sanıtarlyq dárigeriniń qaýlysyndaǵy shekteýlerdi saqtaýǵa shaqyrady.
TO PD-nyń baspasóz qyzmeti
