Maqtaaralda ózbestandyq sarbaz izdestirilip jatyr
MAQTAARAL. QazAqparat – Sý tasqyny kezinde iz-túzsiz joǵalyp ketken ózbekstandyq sarbaz Maqtaaral aýdanynan izdestirilýde. Bul týraly Shymkent qalalyq TJD málimet taratty, dep habarlaıdy QazAqparat tilshisi.
Shymkent qalalyq TJD baspasóz qyzmetiniń málimetinshe, kórshi eldiń sarbazyn izdestirýge 20 maýsym kúni jedel-qutqarý jasaǵynyń músheleri attanyp ketken.
«20 maýsymda TJ komıtetiniń basshylyǵynan Ózbekstan Respýblıkasy Ulttyq gvardııasynyń 1992 j. t. áskerı qyzmetshisin izdestirý jumystaryn júrgizýge kómek kórsetý týraly hat kelip tústi. Osy hatqa oraı Maqtaral jáne Jetisaı aýdandaryndaǵy sý basý aımaqtarynda jáne sý qoımalarynda izdestirý jumystaryn júrgizý úshin «Shardara« qutqarý beketinen 5 qutqarýshy, 1 tehnıka jáne 1 qaıyq shyqty. Bul jumystarǵa Jedel-qutqarý jasaǵynyń 2 kınology da tartyldy «, delingen habarlamada.
