Maqtaaralda Myrzakent kentiniń turǵyndary shuǵyl evakýatsııalanýda
MAQTAARAL. QazAqparat – Maqtaaral aýdanynda endi Myrzakent kentiniń turǵyndary shuǵyl túrde evakýatsııalana bastady. Aýdan ákimdigi turǵyndarǵa tez arada jınalý kerektigi týraly eskertti, dep habarlaıdy QazAqparat tilshisi.
Aýdan ákimdiginiń Facebook jelisindegi paraqshasynda halyqtyń qaýipsiz jerge kóshiriletini habardar etildi.
«Aýdan ortalyǵy Myrzakent kentine sý basý qaýpi týyndaýyna baılanysty turǵyndardy evakýatsııalaý júrgizilýde. Osy maqsatta 68 avtobýs ázirlenip, Dostyq kanalynyń boıyndaǵy kópirge jáne ortalyq bazar mańyna qoıylǵan. Sondaı-aq, evakýatsııalaý jumystaryna 60 tótenshe jaǵdaı qyzmetkeri, 300 ásker, 50 polıtsııa qyzmetkeri jumyldyrylǵan. Atalǵan jumystarǵa Jetisaı, Shardara, Keles, Saryaǵash aýdandarynyń ákimderi men ákimdik qyzmetkerleri de atsalysýda. Kórshi-qolańdaryńyzǵa eskertińizder. Jyly kıim men qujattaryńyzdy alyp alyńyzdar. Gaz, sý, elektr jaryǵyn sóndirýdi umytpańyzdar! Sonymen qatar, kóligi bar azamattar evakýatsııa jasaýǵa atsalysýlaryńyzdy suraımyz» delingen habarlamada.
