Maqtaaralda múgedektigi bar azamattar saılaýǵa belsendi qatysty

Túrkistan oblysynyń Maqtaaralda aýdanynda múgedektigi bar azamattar saılaýǵa belsendi qatysyp jatyr, dep habarlaıdy Kazinform. 

Maqtaaral aýdanynda 62 saılaý ýchaskesi jumys istep tur. Barlyq saılaý ýchaskeleri baqylaý kameralarmen, qosymsha elektr kózderimen jáne arnaıy basqa da qural-jabdyqtarmen tolyǵymen qamtylǵan. Sondaı-aq múmkindigi shekteýli azamattarǵa tolyqtaı jaǵdaı jasalǵan.

Jalpy aýdanda 2 704 saılaý quqyǵyna ıe múgedektigi bar azamat bar. Onyń ishinde 189-y arbaǵa tańylsa, 350-den astamynyń kózi kórmeıdi nemese qulaǵy estimeıdi. Qalǵandary - 2-3 toptaǵy azamattar.

Saılaý ýchaskelerinde múgedektigi bar azamattarǵa arnalǵan arnaıy kabınalar ornalasqan. Olar taktıldik kórsetkishter, arnaıy buryshtar, monıtorly kompıýterler, qulaqaspaptar, ulǵaıtqyshtar, tutqalar jáne pandýstarmen jabdyqtalǵan. Sondaı-aq kózi kórmeıtin zaǵıp jandar úshin 61 saılaý ýchaskesine taktıldi jolaq ornatylǵan.

Sonymen qatar 9 sýrdo-tıflo aýdarmashy, 3 ınvataksı, 4 áleýmettik taksı qyzmeti múmkindigi shekteýli azamattarǵa qyzmet kórsetýde. Al, júrip-turýy qıyn qala turǵyndary jyljymaly jáshik arqyly úıde otyryp daýys berýde.

Aıta keteıik, búgin Túrkistan oblysynyń 4 aýdanynda ákim saılaýy ótip jatyr.