Maqtaaralda memlekettik qyzmetshiler bas qosqan semınar-keńes ótti
MAQTAARAL. QazAqparat – Túrkistan oblysy, Maqtaaral aýdany ákimi apparatynyń basshysy Nurbol Sattarovtyń tóraǵalyǵyq etýimen azamattardyń ótinishterin qaraý, kórsetiletin memlekettik qyzmetterdiń sapasyn arttyrý máseleleri boıynsha semınar-keńes ótti. Jıynǵa ákimdik qyzmetkerleri men derbes bólimder men kent, aýyldyq okrýg ákimi apparattarynyń mamandary qatysty, dep habarlaıdy QazAqparat tilshisi.
Keńeste eń aldymen oblys ákiminiń ókimimen bekitilgen jeke jáne zańdy tulǵalardyń ótinishterin qaraý sapasyn arttyrý boıynsha arnaıy túzilgen is-shara josparynyń oryndalýy týraly aýdan ákimi apparatynyń ákimshilik jáne jalpy bóliminiń bas ınspektory Nursultan Jumabekov baıandama jasady. Sondaı-aq, bas ınspektor ótinishterdi zań aıasynda qabyldaý, tirkeý jáne esepke alý merziminde qaraý boıynsha túsindirme berdi. Munan soń sóz kezegin alǵan aýdan ákiminiń apparaty aqparattandyrý, memlekettik qyzmet kórsetý monıtorıngi jáne memlekettik qupııalardy qorǵaý bóliminiń basshysy Erlan Turymbetov memlekettik kórsetiletin qyzmetterdiń sapasy men elektrondy túrde kórsetiletin qyzmetterdiń úlesin arttyrý boıynsha baıandama jasap, semınarǵa qatysýshylarǵa óziniń aqyl-keńesin aıtty. «Qazirgi tańda elimizde bala týý boıynsha memlekettik qyzmetterdi kórsetýdiń proaktıvti prıntsıpi, sms-parol arqyly ETsQ-syz qyzmetterdi alý, portalda derekterdi buǵattaý, elektrondyq aýrýhana paraǵy, avtokólikti onlaın-tirkeý jáne júrgizýshi kýálikterin aýystyrý, úshinshi tulǵalarmen jáne Telegram-bot anyqtamalar alý sııaqty kóptegen tsıfrlyq jańalyqtar iske qosylǵan. Biz elektrondy qyzmetterdi úıden shyqpaı-aq alýǵa bolatyndyǵy týraly túsindirý jumystarymen aınalysyp jatyrmyz. Aqyryndap adamdar osy qyzmetke úırene bastasa, memlekettik qyzmet kórsetetin mekemeler men HQKO kelýshiler sany azaıady. Turǵyndarymyz ýaqyttaryn únemdeıdi. Sondyqtan, Sizder de túsindirý jumystaryna atsalysýlaryńyz kerek» - dedi E.Turymbetov.
