Maqtaaralda qozapaıadan jıhazdyq taqta óndirile bastady
ASTANA. QazAqparat - Ońtústik Qazaqstan oblysy Maqtaaral aýdanyndaǵy «Sapa Invest Plıýs» JShS-niń zaýyty qozapaıadan jıhazdyq taqta daıyndaı bastady, dep habarlaıdy OQO ákiminiń baspasóz qyzmeti.
Búginde 30 adam jumys isteıtin zaýyt ónimi Astana, Almaty, Shymkent, Taldyqorǵan, Taraz qalalaryndaǵy iri kásiporyndar satyp alady. Maqtaaraldyq ónimge Ózbekstan, Tájikstan, Qyrǵyzstan, Túrikmenstan jáne Reseı memleketteri qyzyǵýshylyq tanytyp otyr eken.
«Qozapaıanyń tonnasyn 12 000 teńgege satyp alamyz, bul maqtaaraldyq sharýalarǵa da óz paıdasyn tıgizýde. 1 tonna qozapaıadan 1 tekshe metr jıhazdyq taqta shyǵady. 1 tekshe metr degenimiz - 24 dana taqta» - deıdi zaýyttyń bas ınjeneri Baqytbek Úsenuly.
Zaýyttyń óziniń birneshe traktorlary men qozapaıany jınaıtyn tehnıkalary da bar. Bul shıkizatty ózderi de óndire beredi degen sóz. Sondyqtan, shıkizat máselesi tolyqtaı sheshilgen. Zaýyttyń jumysshysy Qurmanǵazy Tańbergenovtyń aıtýynsha, jumysshylardyń jalaqysy 70 myń teńgeden kem emes.
«Kúndelikti jumysymyz júıeli. Kúnine 8 saǵat eńbek etemiz. Zaýyttaǵy jumystyń esh qıyndyǵy joq»,- deıdi Qurmanǵazy Táńirbergenov.
