Maqtaaralda kelin túsirip, betashar toıyn jasaǵan turǵyn aıyppul tóleıtin boldy
MAQTAARAL. QazAqparat - Maqtaaraldyq polıtseıler tótenshe jaǵdaıǵa qaramastan betashar toıyn jasaǵan turǵyndy jaýapqa tartty, dep habarlaıdy QazAqparat oblystyq polıtsııa departamentine silteme jasap.
Qazaqstanda 16 naýryzdan bastap 15 sáýirge deıin tótenshe jaǵdaı rejımi engizilgeni belgili. Desek te, turǵyndar tarapynan áli de bolsa muny sezinbeı, birshama adamnyń basyn qosyp toı jasaý jaıttary oryn alýda.
Osyǵan oraı Túrkistan oblysy polıtsııa departamentiniń jeke quramy kúsheıtilgen rejımde qyzmet atqarýda. ıAǵnı kúndiz jáne túnde reıdke shyǵyp , adam kóp jınalatyn basqosý, toı-jıyn, is-sharalardy ótkizýge tyıym salyp, qaýipsizdik sharalaryn qadaǵalaýda.
Osyndaı kezekti reıd barysynda Maqtaaral aýdany Jańaaýyl ákimshiligine qarasty aýyldardyń birinde turǵyn úıiniń aýlasynda kelin túsirip, betashar toıyn jasap, týystaryn jınaǵan turǵyn anyqtaldy.
«Qazaqstan Respýblıkasy Prezıdentiniń 15.03.2020 jylǵy Jarlyǵynyń talaptaryn óreskel buzǵan atalmysh turǵynǵa QR Ákimshilik quqyq buzý kodeksiniń 476-baby boıynsha hattama túzilip, aýdandyq sottyń qaýlysymen kináli dep tanylyp, aıyppul saldy.
