Maqtaaralda gýmanıtarlyq júk qoımasyna vıdeokameralar ornatyldy

MAQTAARAL. QazAqparat – Túrkistan oblysynyń Maqtaaral aýdanynda gýmanıtarlyq júk saqtalǵan azyq-túlik qoımasyna beınebaqylaý kameralary ornatyldy, dep habarlaıdy QazAqparat tilshisi.

«Nur Otan» partııasy Túrkistan oblystyq fılaly tóraǵasynyń birinshi orynbasary Beısen Tájibaevtyń aıtýynsha, qoımada ornatylǵan 4 beınekamera júk qabyldanatyn 2 esik pen ishki shyǵaberis jaǵyna ornatylǵan. ıAǵnı, qoımaǵa kelgen jáne ketken árbir júk kólikteri taspalanatyn bolady. Beınekameralar ortalyqtandyrylǵan kompıýterge jalǵanyp, basqarylady.

«Kamera ornatýdaǵy maqsatymyz – el amanatyna qııanat jasaý jaıttaryn boldyrmaý. Sonymen qatar, azyq-túliktiń ysyrapsyz úlestirilýine jol bermeý. Onyń ústine, qoımada saqtalǵan zattardyń kimge, qashan berilgenin naqtylap otyrý úshin jasalyp otyr. Aldaǵy ýaqytta munda jınalǵan azyq-túlikter topan sýdan zardap shekken turǵyndarǵa esepsiz, ysyrapsyz jetýine basa nazar aýdarylatyn bolady», - deıdi Beısen Tájibaev.

Aıta keteıik, tasqynnan zardap shekken aımaqqa gýmanıtarlyq kómek tolassyz kelip jatyr. Kúni keshe qoımaǵa Pavlodar oblysynan 20 tonna azyq túlik pen 15 tonna kıim-keshek jáne gıgıenalyq zattar jetkizildi.

Munda sońǵy bir aptada 408 tonnadan astam kómek jınalǵan. Onda un, et, kókónis, konservilik zattar, suıyq maı, arnaıy daıyndalǵan azyq-túlik sebetteri men kıim-keshekter, gıgıenalyq zattar bar. Sonyń búginde 100 tonnaǵa jýyǵy Maqtaaral aýdanyndaǵy 11 evakýatsııalyq ortalyqtaǵy turǵyndarǵa úlestirilip berilgen. Sondaı-aq, týǵan-týystarynyń úıin ýaqytsha panalap júrgen azamattarǵa azyq-túlikter júıelengen tártippen taratylýda.