Maqtaaralda eriktiler topan sýdan zardap shekkenderge 50 tonnaǵa jýyq áleýmettik kómek jetkizdi
«Nur Otan» partııasynyń qoldaýymen jáne jastar men eriktilerdiń bastamasy negizinde qurylǵan «Birgemiz, Maqtaaral!» shtabynyń músheleri Sondaı-aq, barlyq evakýatsııalyq ortalyqtar men túrli baǵyttar boıynsha qyzmet kórsetedi, habarlaıdy QazAqparat tilshisi.
Atalǵan eriktiler shtabyna Túrkistan oblystyq Jastar resýrstyq ortalyǵy dırektory Amalbek Ómirtaı jetekshilik etedi. Shtabtyń quramyna Maqtaral aýdandyq jastar resýrstyq ortalyǵynyń basshysy Súndet Kenjebaev pen «Jas Otan» jastar qanatynyń tóraǵasy Janserik Juman, Ahmet pen Yqylas jáne Oljas Mamyr, Azat Dıdarbek, Aıgerim Aıtahanova sııaqty t.b. belsendiler tartylǵan.
500-ge jýyq volonterler qyzmet etetin shtabtyń ókilderi tótenshe jaǵdaıdyń bastapqy kúnderinen bastap toǵandar men dambalar jasaýǵa jumyldyrylǵan. Al, 100-ge jýyq erikti qoımadaǵy jumystarǵa atsalysyp, birqatary azyq-túlikterdi úlestirý-tasymaldaý sharalaryn atqarýda. Búgingi kúnge deıin evakýatsııalyq pýnktterdegi turǵyndarǵa úsh mezgil ystyq tamaq uıymdastyrylyp, koronovırýs indetiniń taralýyn aldyn alý boıynsha saqtyq sharalary jolǵa qoıylǵan.
Volonterlerdyń kómegimen 20 myńnan astam betperde men antıseptıkalyq quraldar taratylyp, túsindirý jumystary júrgizilgen. Sý tasqyny bolǵan on kún ishinde «Birgemiz, Maqtaaral!» volonterlar shtaby 1100-den astam turǵynǵa, 150 otbasyǵa qajetti kıim-keshek pen qural-saıman, turmystyq jáne jeke gıgıenalyq zattar jetkizip bergen.
