Maqtaaralda erikti áskerı jasaq kanaldardyń boıyna damba turǵyzýda
MAQTAARAL. QazAqparat – Túrkistan oblysynda erikti áskerı jasaq tótenshe jaǵdaı oryn alǵan Maqtaaral aýdanyndaǵy turǵyndardy evakýatsııalaý jumystarymen aınalysýda. Eriktiler sonymen qatar tasqyn sýdyń aýdan ortalyǵyna ótý qaýpin seıiltý maqsatynda qolǵa alynyp jatqan sharalarǵa belsendi atsalysýda, dep habarlaıdy QazAqparat tilshisi.
Eriktilerdiń qatarynda Keles, Maqtaaral,Saryaǵash jáne Jetisaı aýdandarynan tartylǵan 60 áskerı jasaq bar. Sonymen qatar, Fırdaýsı eldi mekeninen evakýatsııalanǵan 17 azamat óz erikterimen áskerıler jasaǵyna kómektesip, Jańa jol aýyldyq okrýgindegi kanaldyń boıyna damba turǵyzýda. Jalpy sany 3 myńǵa jýyq bos qapshyqqa qum salynyp, qazirde kanal boıynan 3 qatar uzyndyǵy 500 metr jerge qalandy. Bul jumystar áli de báseńsigen joq.
Eske sala ketsek, óńirde qaterli indetpen kúresý maqsatynda jáne turǵyndardyń qaýipsizdigin qamtamasyz etý úshin erikti áskerıler jasaǵy qurylǵan bolatyn.
