Maqtaaralda aýyl sharýashylyǵy óniminiń kólemi 4,5 mlrd teńgege jetti
Bıyl maqtaaraldyq dıqandar 60,9 myń gektar jerge egistik ekse, onyń 34,9 myń gektary - maqta daqyly.
Sonymen qatar, 622 gektar kókónis daqyly egilip, qyryqqabat jáne qyzylsha daqyldarynan 20 048 tonna ónim óndirilgen jáne onyń 80 paıyzy shetelge eksporttalǵan.
Maqtaaraldyq dıqandarǵa bıyl jylyjaı kólemin qosymsha 10 gektarǵa ulǵaıtý tapsyrmasy berilgen bolsa, qazirgi ýaqytta 6,55 gektar jerge jylyjaı qurylǵan.
Sondaı-aq, 165 gektar alqapqa tamshylatyp sýarý tehnologııasyn endirý tapsyrmasy 100%-ǵa oryndalǵan.
Aýdan basshysy jaıylym jerdiń joqtyǵyna qaramastan mal basynyń sany artyp jatqanyn da atap ótti.
ıAǵnı, maldy jaıylymda baqqannan kóri úıde ustap bordaqylaıtyn sharýalardyń sany arta túsken.
Aıta keteıik, Maqtaaral aýdanynda egistiktiń qunaryn arttyrý úshin 40 myń gektar jer ırrıgatsııalyq jáne drenajdyq júıelerdi jetildirý baǵdarlamasyna engen.
Osy arqyly 220 kanal, 208 sý qashyrtqylary retke keltirilip, 149 tik drenajdy uńǵymalar jóndelýde.
Qazirgi tańda, jalpy uzyndyǵy 47 shaqyrymdy quraıtyn 36 kanaldyń qurylys jumystary tolyq aıaqtalǵan.
Nátıjesinde egistik alqabtardy sýarý kezeninde aǵyn sýdyń shyǵyny tómendegen.
