Maqtaaral turǵyny esirtki men teris dinı aǵymdy nasıhattaıtyn ádebıetterdi saqtaǵan

Ol Polıtsııa departamenti Ekstremızmge qarsy is-qımyl basqarmasy jáne Esirtki qylmysyna qarsy is-qımyl basqarmasynyń qyzmetkerlerimen birlesken is-shara aıasynda ustaldy, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, 50 jastaǵy azamattyń úıin tekserý barysynda teris dinı aǵymdy nasıhattaıtyn ádebıetter men marıhýanaǵa uqsas esirtki zattary tárkilengen. Keıinnen bul shópterdiń esirtki ekeni dáleldengen. Osydan keıin jınaqtalǵan barlyq aıǵaq zattar men materıaldar, sotqa joldanǵan.

«Túrkistan oblysy Maqtaaral aýdandyq sotynyń úkimine sáıkes, «Sálafı» baǵyty boıynsha destrýktıvtik dinı aǵymynyń ustanýshysy «marıhýana» esirtki zatyn zańsyz satqany úshin QR Qylmystyq kodeksiniń 297-baby «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý» boıynsha 5 jylǵa bas bostandyǵynan aıyryldy» delingen habarlamada.