Maqtaaral turǵyny alaıaqtyq jolmen 83 mln teńgeni qaltasyna basqan
MAQTAARAL. QazAqparat - Túrkistan oblysy Maqtaaral aýdanynda jergilikti turǵyn jurttan bızneske dep aldap aqsha alyp, qaıtarmaı qoıǵan. Sóıtip jábirlenýshilerge 83 mln teńge shyǵyn keltirgen, dep habarlaıdy QazAqparat tilshisi.
Túrkistan oblystyq PD baspasóz qyzmetiniń málimetinshe, 32 jastaǵy alaıaqty qolǵa túsirýge jábirlenýshilerdiń aryzy sebep bolǵan. Shymkent qalasynyń turǵyny kúdiktiniń «mııa tamyryn satyp, jaqsy tabys tabamyz» degen jeleýmen 30 mıllıon teńgeden astam aqshasyn aldap alyp ketkenin aıtqan.
Tergeý barysynda seziktiniń osyndaı syltaýmen ózgelerden de 16,5 mıllıon teńgeden astam aqshany jymqyrǵany anyqtaldy. Maqtaral PB polıtsııa qyzmetkerleri jedel is-shara barysynda alaıaqtyq jasap júrgen kúdiktini qolǵa túsirdi. Jaýap alý barysynda onyń 5 alaıaqtyq faktisine qatysy bary jáne tapqan aqshasyn óz qajettilikterine jumsaǵany dáleldendi.
«Maqtaaraldyq polıtsııa qyzmetkerleri atalǵan fakti boıynsha Qylmystyq kodekstiń 190-baby «Alaıaqtyq» boıynsha sotqa deıingi tergeý amaldaryn júrgizdi. Qylmystyq istiń sotqa deıingi tergeý materıaldary aıyptaý aktisimen birge sotqa joldandy. Qazirgi tańda sot sheshimimen 32 jastaǵy sottalýshy 6 jylǵa bas bostandyǵynan aıyryldy» delingen habarlamada.
