Maqtaaral turǵyndary 30 avtobýspen qaýipsiz jerge tasymaldanýda
MAQTAARAL. QazAqparat - Maqtaaral aýdanyndaǵy oryn alǵan tótenshe jaǵdaıǵa baılanysty Túrkistan oblysyndaǵy barlyq qajetti tehnıkalar apat bolǵan aýdanǵa jumyldyrylýda. Oblystyq jolaýshylar kóligi jáne avtomobıl joldary basqarmasynyń uıymdastyrýymen 30 avtobýspen turǵyndar qaýipsiz aımaqtarǵa tasymaldanýda, dep habarlaıdy QazAqparat tilshisi.
Atap aıtqanda, tótenshe jaǵdaı qalyptasqan aımaqqa Maqtaaral aýdanynan – 5, Jetisaı aýdanynan – 5, Saryaǵash aýdanynan – 7, Keles aýdanynan – 3, Shardara aýdanynan – 10 avtobýs jetken. Qazirgi ýaqytta, Maqtaral aýdanynyń ortalyǵy Myrzakent eldi mekeninde 13 avtobýs daıyn tur. Qajettilik týyndaǵan jaǵdaıda qosymsha avtobýstar jumyldyrylatyn bolady.
Sonymen qatar, aýdanǵa jol salasy boıynsha 65 arnaıy tehnıka jetkizilgen. Máselen, 28 «hova» júk kóligimen ınertti (qum, shaǵaltas) materıaldar tasymaldanyp jatyr. Budan ózge sý basý qaýpi bar aımaqtarǵa 35 adam jumyldyrylyp, bógetter jasaýǵa qolǵabys etken.
Óz kezeginde «Qazavtojol» JShS-i tótenshe jaǵdaıǵa 8 júk kóligin, 2 traktor, 1 avtogreıder, 1 júk artýshy kóligi men 10 jumysshyny jibergen.
Mekeme tarapynan 550 tekshe metr topyraq jınalyp, bógetter úshin 2000 qap daıyndalǵan.
