«Maqtaaral» fýtbol klýbynyń bas bapkeri qyzmetinen ketti

ASTANA. QazAqparat - «Maqtaaral» fýtbol klýbynyń bas bapkeri Konstantın Gorovenko qyzmetinen ketti, dep habarlaıdy QazAqparat tilshisi.

Qazaqstandyq maman 2021 jyly komanda tizginin ustady. Komandany birinshi lıgadan Premer-lıgaǵa alyp shyǵyp, byltyr úzdikter qataryndaǵy ornyn saqtap qaldy.

Tájirıbeli maman komanda quramynda qyzmetin jalǵastyryp, tehnıkalyq dırektor qyzmetine taǵaıyndaldy. Ol jastar men jasóspirimder fýtbolynyń damýyna nazar aýdarady. Sondaı-aq, fýtbol ortalyǵynyń jumysyna jaýapty bolady.

Fýtbol klýbyn aldaǵy oıyndarǵa ýaqytsha Rýslan Esatov daıyndaıdy.

Qazir «Maqtaaral» komandasy týrnır kestesinde nebári úsh upaımen kósh sońynda tur.

Eske salsaq, budan buryn fýtboldan Premer-lıga komandalary arasyndaǵy el birinshiliginiń 9-týry máresine jetti.