Maqtaaral: Evakýatsııalyq pýnkterde mobıldi HQO-lar jumys istep jatyr
Málim etilgendeı, «Azamattarǵa arnalǵan úkimet» memlekettik korporatsııasynyń Basqarma tóraıymy Ásemgúl Baltashevanyń tapsyrmasymen tótenshe jaǵdaı saldarynan evakýatsııalanǵan Maqtaaral aýdanynyń turǵyndaryna qujattaryn qalpyna keltirýge kómektesý úshin 5 mobıldi top jiberildi.
«Barlyq qajetti quraldarmen jabdyqtalǵan memlekettik korporatsııanyń mobıldi HQO-lary aýdan boıynsha ornalasqan 24 evakýatsııalaý pýnktin kezekpen aralaıdy. Mamandar zardap shekken jergilikti turǵyndarǵa memlekettik qyzmetter boıynsha quqyqtyq keńes berip, qujattaryn qalpyna keltirý úshin ótinish qabyldaıdy. Bul rette turǵyndardy qujattandyrý boıynsha mıgratsııalyq qyzmet basqarmasymen jáne basqa da atqarýshy organdarmen jedel túrde yqpaldasý uıymdastyrylǵan», - dedi «Azamattarǵa arnalǵan úkimet» memlekettik korporatsııasynan.
Mobıldi top birinshi jumys kúni 150-den asa adamǵa memlekettik qyzmetter boıynsha keńes bergen. Evakýatsııalaý pýnkterinde maqtaaraldyqtardyń joǵalǵan qujattaryn qaıta rásimdeýge ótinishter qabyldanyp jatyr.
«Esterińizge sala keteıik, osydan bir jyl buryn Arys qalasyndaǵy áskerı qoımada bolǵan jarylysqa baılanysty tótenshe jaǵdaı kezinde de memlekettik korporatsııa qyzmetkerleri jumysyn toqtatpaı, jergilikti ákimdikpen birlese shtabtarda, dalalyq jaǵdaıda apattan zardap shekken azamattardyń qujattaryn retke keltirý úshin úzdiksiz qyzmet etti. Tótenshe jaǵdaı kezinde arystyqtarǵa HQO mamandary 17 myń qyzmet kórsetti», - dedi korporatsııadan.
