Maqtaaral aýdanynyń turǵyny kámeletke tolmaǵan qyzdan 1 mln teńge bopsalaǵan
TÚRKІSTAN. QazAqparat – Túrkistan oblysynyń Jetisaı aýdandyq polıtsııa bólimine jergilikti turǵyndardyń biri shaǵymdanyp, maýsym aıynan beri kámeletke tolmaǵan qyzynan belgisiz bir qyzdyń aqsha bopsalap júrgenin aıtqan, dep habarlaıdy Polisia.kz.
Saıtta taraǵan aqparattarǵa qaraǵanda, aqsha bopsalaýshy jábirlenýshiniń qyzynyń ıntımdik sýretterin jelige jarııalaımyn dep qorqytqan.
Osyǵan baılanysty búgingi kúnge deıin kúdikti jábirlenýshilerden mıllıon teńge bopsalaǵan. Polıtsııa qyzmetkerleri bul jaıtty QR QK-niń 194-babyna sáıkes, «Bopsalaý» sotqa deıingi tergeýdiń biryńǵaı tizilimine tirkegen.
Kúdiktiniń kim ekenin anyqtaý maqsatynda Jetisaı aýdandyq polıtsııa bóliminiń krımınaldyq polıtsııa qyzmetkerleri jedel-izdestirý is-sharalaryn júrgizdi. Nátıjesinde, polıtseıler kúdiktini jábirlenýshiden 120 myń teńge bopsalap jatqan jerinen ustady. Ustalǵan azamat Maqtaaral aýdanynyń turǵyny bolyp shyqty. Odan aıǵaqty zat retinde aqsha men beınematerıaldar tárkilenip alyndy.
«Qazirgi ýaqytta atalǵan jaıt boıynsha sotqa deıingi tergeý amaldary júrgizilýde. Kúdiktiniń bas sharasy qolhatta. Polıtseıler oqıǵanyń mán-jaıyn anyqtaýda»,-delingen habarlamada.
