Maqtaaral aýdanynyń ortalyǵynda «Jasóspirim» reıdtik sharasy ótti
MAQTAARAL. QazAqparat – Túrkistan oblysy Maqtaaral aýdanynda «Jasóspirim» reıdtik sharasy ótti. Aýdan ortalyǵy Atakentte uıymdastyrylǵan sharada túngi ýaqytta úı-jaıynan tys jerde qaraýsyz júrgen jasóspirimder anyqtaldy, dep habarlaıdy QazAqparat tilshisi.
Túngi reıdtik sharany Maqtaaral aýdandyq polıtsııa bóliminiń kámeletke tolmaǵandar isi men jergilikti polıtsııa qyzmeti ınspektorlary jáne aýdandyq «Jastar resýrstyq ortalyǵy» qyzmetkerleri birlesip uıymdastyrdy.
Kámeletke tolmaǵandar arasynda qylmys pen quqyqbuzýshylyqtyń aldyn alý men túngi ýaqyttarda ata-anasynsyz úı-jaıynan tys jerlerde júrgen jasóspirimderdi anyqtaý maqsatynda uıymdastyrlǵan reıd kezinde birneshe quqyq buzýshylyq derekteri tirkeldi. Kompıýterlik oıynhanalar men meıramhanalarda bolýlaryna tyıym salý men bala tárbıesine nemquraılylyq tanytatyn ata-analardy anyqtap, tıisti sharalar kórý maqsatynda uıymdastyrylǵan sharaǵa aýdandyq polıtsııa
bólimi jeke quramy ınspektorlary tolyqtaı qatysty. Reıd kezinde úı-jaıynan tys jerde qaraýsyz júrgen 3 tulǵa anyqtalyp, barlyǵy aýdandyq ishki ister bólimine jetkizildi. Olarǵa qatysty tıisti hattamalar toltyrylyp, ata-analarynan túsiniktemeler alyndy. Sondaı-aq, arnaıy uıymdastyrylǵan profılaktıka barysynda jeke kásipkerlerge túngi 22:00-den keıin kámeletke tolmaǵan jasóspirimderdi zańdy ókilderinsiz kirgizbeý kerektigi eskertildi. Olarǵa temeki ónimderi men spırttik ishimdikterdi satýǵa bolmaıtyndyǵy jaıynda túsindirý jumystary júrgizildi.
