Maqtaaral aýdanyndaǵy tótenshe jaǵdaıǵa 150-ge jýyq medıtsına qyzmetkeri jumyldyryldy
MAQTAARAL. QazAqparat – Maqtaaral aýdanynda tótenshe jaǵdaıdyń oryn alýyna baılanysty kórshiles aýdandardan qosymsha kómekke medıtsına qyzmetkerleri tartyldy, dep habarlaıdy QazAqparat tilshisi.
ıAǵnı, evakýatsııalyq ortalyqtardaǵy azamattardyń densaýlyqtaryn baqylaý jumystaryna Saryaǵash, Keles, Shardara, Jetisaı aýdandarynyń ortalyq aýrýhanasy jáne oblystyq jedel medıtsınalyq járdem stantsııasynyń aq halattylary atsalysýda.
Oblystyq qoǵamdyq densaýlyq saqtaý basqarmasynyń basshysy Marat Pashımovtyń málimetinshe, jalpy sany 147 medıtsına mamany evakýtsııalyq ortalyqtardaǵy azamattarǵa qyzmet kórsetýde. Olardyń 58-i dáriger bolsa, qalǵan 89-y orta býyn medıtsına qyzmetkeri.
«Búginde tasqyn sýdan zardap shekken aýyldyń turǵyndaryn ornalastyrýǵa arnalǵan 10 evakýatsııalyq beket jumys istep keledi. Sonyń barlyǵynda dárigerler men medbıkeler táýligine 24 saǵat boıy azamattarǵa qyzmet kórsetýde. Kórshiles aýdandardan qyzmetkerlerden bólek, qosymsha kómek retinde 17 medıtsınalyq kóliker tartyldy», – dedi basqarma basshysy.
Sondaı-aq, óńirdiń bas dárigeri adamdar arasynda koronavırýs indetiniń taralýyn boldyrmaý maqsatynda barlyq tıisti sharalar qolǵa alynǵanyn jetkizdi.
«Evakýatsııalyq pýnkterdegi azamattardyń dene qyzýy kúnine 3 ret ólshenýde. Sonymen qatar, saqtyq sharalary úshin beketterde jatqan turǵyndarǵa 45 myńǵa jýyq medıtsınalyq betperde, 225 myń qolǵap, 860 lıtr antıseptık, 900 lıtr dezınfektsııalyq suıyqtyq, 40-tan astam teplovızor jáne basqa da qorǵanys quraldary úlestirilgen. Mundaı qorǵanys quraldary qoımada jetkilikti ári qajettilikke baılanysty aldaǵy ýaqytta da taratylatyn bolady»,- dedi Marat Pashımov.
