Maqtaaral aýdanyndaǵy sý basqan mektepter jóndeýden ótti
MAQTAARAL.QazAqparat - Maqtaaral aýdanynda tasqyn sýdan zardap shekken eki mektep jóndeýden ótip, jańa oqý jylyna daıyn boldy. Órgebas jáne Fırdoýsı eldi mekenderindegi qos bilim uıasyna tasqyn edáýir zaqym kelgen edi, dep habarlaıdy QazAqparat tilshisi.
Qaıta jóndeýden ótken bilim uıalarynyń daıarlyǵy oblys ákimi Ómirzaq Shókeevke aýdanǵa issapary barysynda tanystyryldy. Aımaq basshysy ár mektepti jeke-jeke aralap, qazirgi jaǵdaıyn kórip shyqty. Órgebas aýylynyń Qasym Amanjolov atyndaǵy jalpy orta mektebinde 300-ge jýyq oqýshy bilim alsa, Fırdoýsı atyndaǵy orta mektepte 700-den astam bala oqıdy. Onyń ishinde az qamtamasyz etilgen otbasy balalary kompıýterlik tehnıkalar jáne planshettermen qamtamasyz etilgen. Bilim uıalary ınternet júıesimen tolyq qamtylǵan.
Maqtaaral aýdanyndaǵy oqýshylarǵa respýblıkalyq rezervten bólingen qarajatqa satyp alynǵan 4900 kompıýterlik tehnıka taratylýda.
Sapar barysynda Ómirzaq Estaıuly balalardyń sapaly bilim alýy úshin barlyq jaǵdaı jasalýy qajettigin tapsyrdy.
