Maqtaaral aýdanyndaǵy sel basqan eki aýylda jańa úılerdiń qurylysy bastaldy
MAQTAARAL. QazAqparat - Maqtaaral aýdanyndaǵy topan sý shaıǵan Órgebas pen Fırdaýsı aýyldarynda qabyrǵalary shytynaǵan úıler men qora-qopsylardyń materıaldaryn retteý jumystary bastaldy, dep habarlaıdy QazAqparat Túrkistan oblysy ákimdiginiń baspasóz qyzmetine silteme jasap
. Aldaǵy eki-úsh kúnde turǵyndar jańa úılerdiń irgetastaryn qalaýǵa kirispek. Ol úshin eski materıaldardan qalyp jasaý jumystary qyza túsken.
Maqtaaral aýdanynyń ákimi Baqyt Asanovtyń aıtýynsha, qazirgi tańda sý basqan 5 aýylda túgendeý jumystary júrip jatyr. Bul ispen arnaıy jumysshy toby aınalysýda.
«Dál qazirgi ýaqytta biz topan sý shaıǵan 5 aýyldaǵy úılerdi túgendeý jumystaryn júrgizip jatyrmyz. Eki-úsh kúnde qansha úıdiń buzylǵany, qaıta salynatyny belgili bolady. Sol kezde bul týraly málimetti jalpyǵa ortaq etip, jarııa etemiz. Ázirge turǵyndar ýaqytty tıimdi paıdanalyp, sý shaıǵan aýlalaryn kúl-qoqystan tazartyp, qulaǵan úıler men qora-qopsylaryn retke keltirip jatyr», - deıdi Baqyt Nasyrhanuly.
Aıta keteıik, Órgebas pen Fırdaýsı eldi mekenderiniń turǵyndary eshqaıda kóshirilmeıdi. Sondaı-aq, olar úıleriniń qurylystaryn ózderi júrgizetin bolady. ıAǵnı, buzylǵan úılerdiń ótemaqysy turǵyndarǵa úkimettik rezervten kezeń-kezeńimen aýdarylyp otyrady. Taıaýda ǵana Úkimettik komıssııa men turǵyndardyń kezdesýinen keıin osyndaı sheshim qabyldanǵan bolatyn.
