Maqtaaral aýdanyndaǵy mektepterde psıhologııalyq semınarlar ótkizilýde
MAQTAARAL. QazAqparat – Túrkistan oblysy, Maqtaaral aýdanyndaǵy mektepterde psıhologııalyq semınar-trenıngter ótkizilýde. Aýdandyq «Jastar resýrstyq ortalyǵy» KMM uıymdastyrýymen ótken basqosýlar jalpy orta bilim berý mekemeleri men arnaýly orta oqý oryndarynda ótti, dep habarlaıdy QazAqparat tilshisi.
Kezekti kezdesý aýdandyq bilim bólimine qarasty úsh bilim oshaǵynda uıymdastyryldy. Semınar-trenıngke atalmysh mektepterdiń 9-10-11 synyp oqýshylary men dırektorlardyń tárbıe isi jónindegi orynbasarlary, aýdandyq «Jastar resýrstyq ortalyǵy» KMM psıholog-mamany Bákir Shámil qatysty. Basqosýda búgingi qoǵamda jıi kórinis taýyp jatqan jastar arasyndaǵy qylmys pen quqyqbuzýshylyqtar máseleleri sóz boldy. Jasóspirimderge sýıtsıd, erte júktilik pen maskúnemdik, nashaqorlyq syndy adamı qasıetke jat qylyqtardan boılaryn aýlaq ustaý jaıy túsindirildi. Jaman ádetterge urynýdyń sebep-saldaryn anyqtaý, saqtandyrý joldaryn keńinen sóz etti. Jıynda jastardyń arasyndaǵy keleńsiz oqıǵalardyń aldyn alý máseleleri keńinen sóz boldy.Basqosý barysynda joǵarǵy synyp oqýshylaryna kún tártibindegi máseleler boıynsha beınerolıkter kórsetilip, psıhologııalyq jattyǵýlar jasady.
