Maqtaaral aýdanyndaǵy 5 eldi mekende qaýip seıildi - Sáken Qalqamanov
MAQTAARAL. QazAqparat - Maqtaaral aýdanynyń 10 eldi mekeni qaýipti aımaqta ornalasqan. Búginde Jańaturmys, Jeńis, Fırdoýsı, Órgebas, Dostyq syndy bes eldimekende qaýip seıildi, dep habarlaıdy QazAqparat tilshisi.
Oblys ákiminiń orynbasary Sáken Qalqamanovtyń aıtýynsha, sý astynda qalǵan 5 eldimekende oblys ákimdigi, Tótenshe jaǵdaılar departamenti, QazSÝShar jáne aýyl turǵyndarynan quralǵan volonterlerdiń kómegimen qaýipsizdik sharalary júrgizýlýde. Uıymdasqan tirliktiń arqasynda strategııalyq mańyzy zor 14 myńnan astam halqy bar Myrzakent eldimekeni tasqyn sýdan aman qaldy.Jýrnalısterge arnap brıfıng ótkizgen oblys ákiminiń orynbasary Maqtaaral aýdanynda sý basý qaýpi bar eldimekender aınalasyna bógetter turǵyzylǵanyn jetkizdi.
Atap aıtqanda, Nurly jol eldimekeni aýmaǵynda uzyndyǵy 2,5 m, bıiktigi 1,5 m. bolatyn bóget soǵyldy. Fırdoýsı eldi mekeninen Myrzakent eldimekenine qaraı 3 kollektor ornalastyryldy. Órgebas eldimekeniniń aýmaǵynda uzyndyǵy 20 m, bıiktigi 1 m. bolatyn bóget jasalsa, Yrysty aýylynda bıiktigi 0,5 m, uzyndyǵy 40 m. bóget soǵyldy.
Sondaı-aq, Jantaqsaı eldimekeniniń mańynan uzyndyǵy 800 m. bolatyn bóget turǵyzyldy.
Sonymen qatar, kórshi Jetisaı aýdanynda Qoǵaly aýylynyń avtomobıl jolynyń boıynda uzyndyǵy 500 metrden asatyn bóget salý arqyly nyǵaıtý jumystary júrgizilýde.
«Atalǵan jumystarǵa 649 adam, 15 dana tehnıka jumyldyrylǵan. Onyń ishinde jergilikti ákimdikten 13 tehnıka, 15 adam, TJD 30 adam, Polıtsııa Departamentinen 4 adam, 2 tehnıka jáne 600-den astam eriktiler bar.Kórshi Jetisaı aýdanynda Qoǵaly aýylynyń avtomobıl jolynyń boıynda uzyndyǵy 500 metrden asatyn bóget salý arqyly nyǵaıtý jumystary júrgizilýde. Atalǵan jumysqa 649 adam, 15 dana tehnıka jumyldyrylǵan. Onyń ishinde erekshe atap ótetini jergilikti 600-den astam volonterlerdiń jumysy. Janashyrlarǵa alǵysymyzdy bildiremiz»,- dedi Sáken Qalqamanov.
