Maqtaaral aýdanynda jaryqsyz qalǵan 300 myń abonentke elektr qýatyn berý jumystary bir jetiden keıin tolyq kólemde aıaqtaldy
ASTANA. Mamyrdyń 7-si. QazAqparat - Qatty soqqan daýyldyń saldarynan Ońtústik Qazaqstan oblysy Maqtaaral aýdanynda jaryqsyz qalǵan 300 myń abonent elektr jaryǵyna tek bir jetiden keıin ǵana qosyldy.
Buǵan deıin habarlanǵandaı, ótken sáýir aıynyń 30-y kúni keshki saǵat segiz jarymda, 25 m/s-qa deıin soqqan kúshti jel Maqtaaral aýdanynyń elektr jelilerin zaqymdap, aýdannyń 300 myń abonentin jaryqsyz qaldyrǵan bolatyn.
«Ońtústik jaryq tranzıt» JShS, Maqtaaral jáne Shardara aýdandary Elektr jelileriniń apattyq brıgadalary tótenshe jaǵdaıdy joıý jáne jóndeý-qalpyna keltirý jumystaryn kezeń-kezeńimen júrgizip, abonetterdi energııa jelilerine tolyq kólemde qosýdy tek mamyrdyń 6-si kúni keshki saǵat 21.30-da aıaqtady.
