Maqtaaral aýdanynda jańa móltekaýdannyń qurylys jumystary bastaldy
MAQTAARAL. QazAqparat – Sý tasqyny bolǵan Maqtaaral aýdanynda jańa móltekaýdannyń qurylys jumystary bastaldy. Bul týraly Túrkistan oblysy ákiminiń orynbasary Sáken Qalqamanov málimdedi, dep habarlaıdy QazAqparat tilshisi.
Oblys ákiminiń orynbasary óziniń Facebook áleýmettik jelisindegi paraqshasynda qurylys jumystarynyń barysyn kórsetip, qysqasha túsindirip ótken.
«Meniń artqy jaǵymda júk kólikteri men aýyr tehnıka jumys isteýde. Jerdi tegisteý jumystary jasalyp jatyr. Myrzakent kentiniń janynan jańa móltekaýdannyń qurylysyn salý jumystaryna daıyndyq sharalary júrgizilýde. Munda sý tasqyny bolǵan Dostyq, Jeńis jáne Jańa turmys eldi mekenderinen 500-ge tarta otbasy qonystanatyn bolady. Sondaı-aq, bul jerge jańa mekteptiń, balabaqshanyń jáne feldsherlik-akýsherlik pýnkttiń ǵımaraty boı kóteredi. Qurylys jumystary tamyz aıyna deıin júrgizilip, tapsyrylatyn bolady»,- dedi Sáken Qalqamanov.
