Maqtaaral aýdanynda Tuńǵysh Prezıdent kúnine arnalǵan saltanatty kesh ótti

MAQTAARAL. QazAqparat –Túrkistan oblysynyń Maqtaaral aýdanynda Tuńǵysh Prezıdent kúnine arnalǵan saltanatty kesh ótti. Іs-sharaǵa aýdan ákiminiń orynbasary Beısenbaı Tórebekov qatysyp, aıtýly merekemen barsha aýdan turǵyndaryn quttyqtady, dep habarlaıdy QazAqparat tilshisi.

Jalpyhalyqtyq merekege aınalyp úlgirgen ataýly kúndi aımaq jurtshylyǵy keń kólemde, ózindik sán-saltanatymen atap ótti. «Táýelsiz elimizdiń Tuńǵysh Prezıdenti halqymyzdyń tatýlyǵy men birliginiń, Otanymyzdyń órkendep alǵa basýynyń basty sharty bola bildi. Egemendi el bolǵan Qazaqstan shırek ǵasyr ýaqyt aralyǵynda ulttyq birliktiń úlgili modeline aınaldy. Sizderdi Qazaqstan Respýblıkasynyń Tuńǵysh Prezıdenti kúni merekesimen taǵy da quttyqtaı otyryp, árbir otbasyǵa amandyq, baıandy baqyt, mol qýanysh tileımin. Qashan da tuǵyrymyz – tynyshtyq, tirligimiz – turaqtylyq, tilegimiz tatýlyq bolsyn!», - dedi Beısenbaı Tórebekov. Halyqqa arnaǵan izgi tileginen soń aýdan ákiminiń orynbasary áleýmettik-ekonomıkalyq damýyna belsendi úles qosyp júrgen quqyq qorǵaý organdarynyń qyzmetkerleri men memlekettik qyzmetshilerdi aýdan ákimi Baqyt Asanovtyń alǵys hatymen marapattady.

Saltanatty kesh barysynda aýdan ónerpazdary óz ónerlerin ortaǵa salyp, Elbasy týraly ánder shyrqaldy. Sondaı-aq, mereke aıasynda Tuńǵysh Prezıdenttiń tarıhy týraly kórme qoıylyp, jas aqyndar jyrdan shashý shashty.