Maqtaaral aýdanynda taǵy 3 aýyldy sý basý qaýpi týyndady
MAQTARAL. QazAqparat - Maqtaaral aýdanyndaǵy Jańajol aýyl okýgindegi Órgebas aýylyn keshe qyzyl sý basyp, M-39 «Tashkent-Termez» trassasynyń boıyna jaıyldy. Sonymen qatar, tús aýa ishki kanaldar arqyly J. Nurlybaev aýyldyq okrýgine qarasty Yrysty, Qaraqyr jáne Dostyq aýyldyq okrýgindegi Gúlistan aýylynyń egistik alqaptaryna jetken, dep habarlaıdy QazAqparat Óńirlik kommýnıkatsııalar qyzmetine silteme jasap.
Osyǵan oraı Maqtaaral aýdanynyń ortalyǵy – Myrzakentte ornalasqan oblystyq shtab aldaǵy ýaqytta turǵyndardy sý basqan jaǵdaıda kóshýge daıyn bolý kerektigin eskertedi. Naqtyraq aıtqanda, turǵyndar úı janýarlaryn qaýipsiz jerge kóshirip, qujattaryn, jyly kıim, baǵaly zattar jáne kerekti zattardy ázirlep, evakýatsııaǵa daıyn bolý qajet.
