Maqtaaral aýdanynda sý basqan úılerdiń jartysynan kóbinen sý soryp shyǵaryldy
MAQTAARAL. QazAqparat – Túrkistan oblysynyń Maqtaaral aýdanynda qutqarýshylar, jergilikti atqarýshy organdar qabyldaǵan sharalardyń arqasynda Nurlyjol, Fırdoýsı, Órgebas, Dostyq jáne Jeńis eldi mekenderinde sý basqan 1 030 úıdiń 578-nen sý soryp shyǵardy.
452 úı sý astynda qaldy. Sý basqan aýmaqtardan sýdy soryp shyǵarý jáne qorǵaý bógetterin salý jumystary jalǵasýda. Júrgizilgen jumystardyń arqasynda sý basqan aýmaqtyń aýmaǵy 2000 ga azaıdy jáne 5458 ga qurady. Órgebas jáne Fırdoýsı aýyldarynda avtokólik qozǵalysy úshin ishki avtojoldar ashyldy.
Baspasóz málimetterine qaraǵanda, Órgebas jáne Fırdoýsı aýyldarynda avtokólik qozǵalysy úshin ishki avtojoldar ashyldy.
«AMO» MM shuǵyl brıgadasy jáne Túrkistan oblysy TJD psıhologtary zardap shekken halyqqa psıhologııalyq kómek kórsetý jumystaryn júrgizýde.
«Búgingi kúni 6,2 mln. astam m3 sý soryldy. Jalpy uzyndyǵy 22 shaqyrym ýaqytsha bógetter salyndy, 87 000-nan astam qap tóseldi jáne sý burý úshin 3 kollektor ornatyldy»,-delingen habarlamada.
Táýlik boıy ІІM, QM, JAO jáne Ózbekstan TJM kúshteri men quraldary 1606 adam, 321 birlik tehnıka, 13 júzý quraly, 207 motopompa jumysyn jalǵastyrýda.
