Maqtaaral aýdanyna elektr qýatyn jetkizýge Ózbekstan jelileri paıdalanylady
ASTANA. QazAqparat - Ońtústik Qazaqstan oblysy Maqtaaral aýdanynyń turǵyndaryn sapaly elektr jaryǵymen qamtamasyz etý maqsatynda Ózbekstan Respýblıkasynyń elektr jelileri paıdalanyla bastady, dep habarlaıdy oblys ákiminiń baspasóz qyzmeti.
Naqtyraq aıtsaq, Maqtaaral aýdany Qazaqstannyń soltústiginen tasymaldanatyn elektr jaryǵyn Ózbekstan elektr jelilerin paıdalaný arqyly qabyldaýǵa múmkindik alyp otyr. Bul kelisimge Ońtústik Qazaqstan oblysy ákimdigi bıyl 23 aqpanda Tashkentte ótken úkimetaralyq komıssııasy otyrysynyń qorytyndysynda qol jetkizgen bolatyn. Nátıjesinde Ońtústik Qazaqstan oblysy Maqtaaral aýdanynyń turǵyndary men óndiristik kásiporyn tutynýshylary sapaly elektr energııasymen qamtamasyz etilip otyr.
Ekijaqty kelisimge saı «OńtústikJaryqTranzıt» JShS Maqtaaral aýdany aýmaǵynda 6,32 shaqyrym 110 kV-tyq elektr jelisiniń qurylysyn júrgizip, 110 kV-tyq qosymsha uıashyq ornatyp, Ózbekstan Respýblıkasynyń «Ferýz» elektr jelisine qosyldy. Júzege asqan joba negizinde elektr jelileri arqyly 60 MVt-qa deıin elektr energııasyn tasymaldaýǵa múmkindik bar.
Aıta ketý kerek, qazirgi tańda Ózbekstan Respýblıkasy elektr jelileri arqyly Qazaqstan Respýblıkasynyń soltústik óńirinen qajettilikke baılanysty 21 MVt elektr energııa tasymaldanýda.
