Maqtaaral aýdanyna 200 tonnaǵa jýyq azyq-túlik jetkizildi
MAQTAARAL. QazAqparat – Sý tasqynynan zardap shekken maqtaaraldyqtarǵa jan-jaqty kómek kórsetilip jatyr. Jomart júrekti azamattar elimizdiń túkpir-túkpirinen qarjylaı jáne gýmanıtarlyq kómek joldaýda, dep habarlaıdy Túrkistan oblysy ákiminiń baspasóz qyzmeti.
Baspasóz málimetterine qaraǵanda, qazirdiń ózinde Atakenttegi arnaıy daıyndalǵan qoımaǵa 200 tonnaǵa jýyq azyq-túlik qory jınaldy. Un, kúrish, maı jáne kıim-keshek pen kúndelikti qoldanysqa qajetti zattar Maqtaaral aýdanyndaǵy 12 evakýatsııalyq ortalyqqa jaıǵastyrylǵan turǵyndarǵa kúndelikti taratylýda. Sondaı-aq, týǵan týystarynyń úıin ýaqytsha panalap júrgen azamattarǵa azyq-túlik Atakenttegi № 9 jalpy orta mektebi men V. Kamarov atyndaǵy mektepte úlestirilýde.
Jambyl oblysy Myrzashól halqyna alǵash bolyp 30 tonnaǵa gýmanıtarlyq kómek alyp kelgen bolatyn. «Halyq bankiniń» «Halyq» qory 50 tonna, «Nur-Otan» partııasy 40 tonna azyq-túlik jetkizdi. Al, Túrkistan oblystyq máslıhaty men aýdandyq máslıhat depýtattary tarapynan 21 mln. teńgege qajetti zattar alynyp, tasqyn sýdan zardap shekken turǵyndarǵa qoldaý kórsetilip otyr.
Arys, Báıdibek, Tólebı, Qazyǵurt, Saryaǵash, Shardara, Keles, Otyrar, Túrkistan jáne Saıram aýdandardyń árqaısynan 5-10 tonnaǵa kóleminde azyq-túlik jetkizildi. Taıaý kúnderi Maqtaaral aýdanynyń halqyna Pavlodar, Qyzylorda, oblystarynan da kómek kelmekshi.
